‘రణబాలి’ కథపై రాహుల్‌ సంకృత్యాయన్‌ క్లారిటీ

దర్శకుడు రాహుల్‌ సంకృత్యాయన్‌ తెరకెక్కిస్తున్న ‘రణబాలి’ చిత్రంపై నెలకొన్న ఓ అపోహకు ఆయన తెరదించారు. ఈ సినిమా భారత స్వాతంత్ర్య ఉద్యమం లేదా స్వాతంత్ర్య పోరాటానికి ఎలాంటి సంబంధం లేదని స్పష్టం చేశారు. బయటి ప్రపంచం గురించి పరిమిత అవగాహన ఉన్న వ్యక్తులు నివసించే ఓ ప్రత్యేకమైన ప్రపంచం నేపథ్యంలో కథ సాగుతుందని తెలిపారు.

దేశం ఎంత విస్తారంగా ఉంటుందో కూడా ఆ పాత్రలకు తెలియదని రాహుల్‌ వివరించారు. మద్రాసే ప్రపంచానికి చివరి అంచు అని వారు భావిస్తారని, తమ గ్రామాన్నే ఓ దేశంగా ఊహించుకుంటారని చెప్పారు. ఈ వివరణతో ‘రణబాలి’ కథా నేపథ్యంపై ప్రేక్షకులకు మరింత స్పష్టత రావడంతో పాటు సినిమాపై ఆసక్తి కూడా పెరిగింది.