ఓవర్సీస్‌లో ‘పెద్ది’ ఫస్ట్ షో అప్‌డేట్ ఇచ్చిన మేకర్స్....

మెగా పవర్ స్టార్ రామ్ చరణ్ నటిస్తున్న ‘పెద్ది’ సినిమా ఓవర్సీస్‌లో భారీ స్థాయిలో విడుదలకు సిద్ధమవుతోంది. బుచ్చిబాబు సానా దర్శకత్వంలో తెరకెక్కుతున్న ఈ యాక్షన్ డ్రామాలో రామ్ చరణ్ మాస్ లుక్ ఇప్పటికే అభిమానుల్లో భారీ అంచనాలు పెంచింది. వచ్చే నెల 3 న నార్త్ అమెరికాలో ప్రీమియర్స్ ప్రారంభం కానుండగా, ప్రపంచంలోనే తొలి షో అమెరికాలో ప్రదర్శించనున్నారు.

ఈ నెల 7 సాయంత్రం నుంచి అమెరికాలో అడ్వాన్స్ బుకింగ్స్ ప్రారంభం కానున్నాయి. జాన్వీ కపూర్ హీరోయిన్‌గా నటిస్తున్న ఈ చిత్రంలో శివరాజ్ కుమార్ కీలక పాత్రలో కనిపించనున్నారు. ఏఆర్ రెహమాన్ సంగీతం అందిస్తున్న ఈ సినిమాను మైత్రీ మూవీ మేకర్స్, సుకుమార్ రైటింగ్స్ సంయుక్తంగా నిర్మిస్తున్నాయి.