‘రాకా’ లో గ్లామర్ కి తిరుగుండదు ?

అల్లు అర్జున్ హీరోగా, అట్లీ దర్శకత్వంలో తెరకెక్కుతున్న రాకా సినిమా గ్లామర్ హంగామాతో ప్రత్యేకంగా నిలవనుంది. యాక్షన్ ఎంటర్‌టైనర్‌గా మాత్రమే కాకుండా, కలర్‌ఫుల్ విజువల్ వండర్‌గా ఈ చిత్రం రూపొందుతోంది. అల్లు అర్జున్ ద్విపాత్రాభినయంలో కనిపించనున్నారని సమాచారం, దీంతో అభిమానుల్లో మరింత ఉత్సాహం నెలకొంది.

ఈ సినిమాలో స్టార్ హీరోయిన్ల జోడీ ప్రత్యేక ఆకర్షణగా నిలవనుంది. దీపికా పదుకొణెతో పాటు రష్మిక మందన్న, మృణాల్ ఠాకూర్, జాన్వీ కపూర్ కీలక పాత్రల్లో నటిస్తున్నట్లు సమాచారం. ప్రస్తుతం ముంబైలో షూటింగ్ జరుగుతున్న ఈ సినిమాను భారీ స్థాయిలో తెరకెక్కిస్తున్నారు. ఈ గ్లామర్ కాంబినేషన్‌తో సినిమా అభిమానులకు పండగలా మారనుంది.