‘దురంధర్ 2’ తెలుగు ప్రీమియర్ షోలు రద్దు

రణవీర్ సింగ్ హీరోగా నటించిన ‘ధురంధర్: ది రివెంజ్’ సినిమా తెలుగు ప్రీమియర్ షోలు చివరి నిమిషంలో రద్దు కావడంతో అభిమానులు నిరాశకు గురయ్యారు. బుధవారం సాయంత్రం ప్రదర్శించాల్సిన పెయిడ్ ప్రీమియర్ షోలను పలు థియేటర్లు రద్దు చేసి, టికెట్లు బుక్ చేసుకున్న వారికి రిఫండ్ ఇస్తున్నాయి.

సాంకేతిక సమస్యలు మరియు కంటెంట్ డెలివరీ ఆలస్యం కారణంగా తెలుగు, తమిళ వెర్షన్ల ప్రీమియర్ షోలను రద్దు చేసినట్లు సమాచారం. అయితే హిందీ వెర్షన్ ప్రీమియర్లు యథాతథంగా కొనసాగుతున్నాయి. రేపటి నుంచి అన్ని భాషల్లో రెగ్యులర్ షోలు ప్రదర్శించబడతాయని, అభిమానులు ఆందోళన చెందాల్సిన అవసరం లేదని వెల్లడించారు.