'జననాయగన్' లీక్ పై స్పందించిన సెన్సార్ బోర్డ్

జననాయగన్ సినిమా లీక్ వ్యవహారంలో సీబీఎఫ్‌సీ తమపై వచ్చిన ఆరోపణలను ఖండించింది. ప్రెస్ ఇన్ఫర్మేషన్ బ్యూరో మహారాష్ట్ర అధికారిక ఎక్స్ ఖాతా ద్వారా విడుదల చేసిన ప్రకటనలో, ఈ సినిమా డిజిటల్ సినిమా ప్యాకేజీని మార్చి 17 న ముంబైలో నిర్మాతలకు అప్పగించామని, అప్పటి నుంచి అది వారి వద్దే ఉందని స్పష్టం చేసింది. సినిమా కంటెంట్ పాస్‌వర్డ్ రక్షణలో ఉండటంతో పాటు, దానికి సంబంధించిన కీ డెలివరీ మెసేజ్ నిర్మాతల వద్ద మాత్రమే ఉంటుందని తెలిపింది.

ఇటీవల ఈ సినిమా కీలక సన్నివేశాలు ఆన్‌లైన్‌లో లీక్ కావడంతో వివాదం చెలరేగింది. ఈ ఘటనను పలువురు సినీ ప్రముఖులు తీవ్రంగా ఖండిస్తూ చిత్రబృందానికి మద్దతు తెలిపారు. చిత్ర నిర్మాణ సంస్థ కూడా లీకైన కంటెంట్‌ను చూడటం, పంచుకోవడం చట్టరీత్యా నేరమని హెచ్చరించింది. వాట్సాప్, టెలిగ్రామ్ వంటి మాధ్యమాల్లో ఈ వీడియోలను షేర్ చేయవద్దని ప్రజలను కోరింది.