శ్రద్ధా కపూర్ ‘నాగిన్’పై బిగ్ అప్‌డేట్

భారతీయ చిత్ర పరిశ్రమలో పలు సినిమాలు ప్రకటన తర్వాత వివిధ సాంకేతిక కారణాలతో ఆలస్యమవుతుంటాయి. బాలీవుడ్ నటి శ్రద్ధా కపూర్ ప్రధాన పాత్రలో దాదాపు ఆరేళ్ల క్రితం ప్రకటించిన ‘నాగిన్’ సినిమా కూడా ఇదే తరహా సమస్యలను ఎదుర్కొంది. షూటింగ్ ప్రారంభం కాకపోవడంతో ఈ ప్రాజెక్ట్ రద్దయిపోయిందంటూ ఇటీవల వార్తలు ప్రచారం కావడంతో అభిమానుల్లో అయోమయం నెలకొంది.

ఈ వార్తలపై నిర్మాత నిఖిల్ ద్వివేది స్పందిస్తూ, ‘నాగిన్’ సినిమా రద్దు కాలేదని స్పష్టం చేశారు. ప్రీ ప్రొడక్షన్ పనులు చివరి దశకు చేరుకున్నాయని, త్వరలోనే షూటింగ్ ప్రారంభించేందుకు సిద్ధంగా ఉన్నామని తెలిపారు. విశాల్ ఫ్యూరియా దర్శకత్వంలో తెరకెక్కనున్న ఈ చిత్రంలో శ్రద్ధా కపూర్ శక్తివంతమైన ‘ఇచ్ఛాధారి నాగిన్’ పాత్రలో కనిపించనున్నారు. ఈ సినిమాపై ప్రేక్షకుల్లో భారీ అంచనాలు నెలకొన్నాయి.