ఇది ఎంగేజ్‌మెంట్ కాదు… క్లారిటీ ఇచ్చిన బెల్లంకొండ శ్రీనివాస్

టాలీవుడ్ నటుడు బెల్లంకొండ శ్రీనివాస్ తన వ్యక్తిగత జీవితానికి సంబంధించిన వార్తలపై సోషల్ మీడియాలో స్పందించారు. కావ్యాను ఉద్దేశించి చేసిన భావోద్వేగపూరిత పోస్టులో ఆమె తన జీవితంలోకి వచ్చినందుకు కృతజ్ఞతలు తెలిపారు. జీవితంలో సరైన సమయంలో తనపై నమ్మకం ఉంచి, తన రోజులను ఆనందంతో నింపిందని పేర్కొన్నారు. ఆమె చిరునవ్వు ఎప్పటికీ తగ్గకుండా చూసుకుంటానని, కలిసి ఉండే భవిష్యత్తు కోసం ఆసక్తిగా ఎదురుచూస్తున్నానని చెప్పారు.

అయితే సోషల్ మీడియాలో ప్రచారం జరుగుతున్న ఎంగేజ్‌మెంట్ వార్తలను ఆయన ఖండించారు. ఇది ఎంగేజ్‌మెంట్ కార్యక్రమం కాదని, కేవలం కుటుంబ సభ్యులతో జరిగిన చిన్న ప్రకటన మాత్రమేనని స్పష్టం చేశారు. అసలు వేడుకలు ఇంకా ప్రారంభం కాలేదని, త్వరలోనే తేదీలను ప్రకటిస్తామని తెలిపారు. తనకు అభిమానులు చూపిస్తున్న ప్రేమ, మద్దతుకు ఆయన కృతజ్ఞతలు తెలిపారు.