యూట్యూబ్‌లో సంచలనం సృష్టిస్తున్న ‘ఆయా షేర్’ పాట!

నేచురల్ స్టార్ నాని నటిస్తున్న తాజా చిత్రం ది ప్యారడైస్ నుంచి విడుదలైన ‘ఆయా షేర్’ (Ayasher) పాట యూట్యూబ్‌లో సంచలనం సృష్టిస్తోంది. ప్రముఖ సంగీత దర్శకుడు అనిరుధ్ రవిచందర్ సంగీతం అందించిన ఈ పాట విడుదలైనప్పటి నుంచి భారీ స్పందన అందుకుంటోంది. విడుదలైన 13 రోజులకే యూట్యూబ్ ట్రెండింగ్‌లో నంబర్ వన్ స్థానాన్ని దక్కించుకుని ప్రేక్షకులను ఆకట్టుకుంటోంది.

ఇప్పటికే ఈ పాటకు 60 మిలియన్‌కు పైగా వ్యూస్ మరియు 1 మిలియన్‌కు పైగా లైక్స్ రావడం విశేషం. దర్శకుడు శ్రీకాంత్ ఓదెల  తెరకెక్కిస్తున్న ఈ సినిమా పై ప్రేక్షకుల్లో భారీ అంచనాలు ఉన్నాయి. పోస్టర్‌లో నాని మాస్ లుక్‌తో కనిపిస్తూ అభిమానులను ఆకట్టుకుంటుండగా, ఈ చిత్రం ఆగస్టు 21న ప్రపంచవ్యాప్తంగా విడుదల కానుంది.