చిరు 158 లో ‘జైలర్’ మ్యాజిక్..ఫ్యాన్స్‌లో భారీ హైప్

మెగాస్టార్ చిరంజీవి నటిస్తున్న కొత్త చిత్రం “చిరు 158”పై అభిమానుల్లో భారీ అంచనాలు నెలకొన్నాయి. “వాల్తేరు వీరయ్య” విజయానంతరం దర్శకుడు బాబీ కొల్లితో చిరంజీవి మరోసారి కలిసి పనిచేస్తుండటం ఆసక్తిని పెంచుతోంది. ఇప్పుడు ఈ చిత్రానికి ప్రముఖ ఛాయాగ్రాహకుడు విజయ్ కార్తీక్ కన్నన్ చేరడం మరింత ప్రత్యేక ఆకర్షణగా మారింది.

ఇటీవల “జైలర్” చిత్రంలో అద్భుత దృశ్యాలతో ప్రశంసలు అందుకున్న విజయ్ కార్తీక్ కన్నన్, బాలకృష్ణ నటించిన “డాకూ మహారాజ్”లో కూడా తన పనితనంతో ఆకట్టుకున్నాడు. ఇప్పుడు అదే స్థాయి దృశ్య వైభవాన్ని “చిరు 158” కు అందించనున్నట్లు సినీ వర్గాలు చెబుతున్నాయి. యాక్షన్, వినోదం, భావోద్వేగాలు కలగలిపిన వాణిజ్య చిత్రంగా ఈ సినిమాను దర్శకుడు బాబీ రూపొందిస్తున్నట్లు సమాచారం. ప్రస్తుతం ముందస్తు నిర్మాణ పనులు వేగంగా సాగుతుండగా, త్వరలోనే చిత్రీకరణ ప్రారంభం కానుంది.