డైరెక్టర్ అవబోతున్న బాలయ్య కూతురు తేజస్విని... హీరోగా బాలయ్యేనా?

తెలుగు సినిమా ఇండస్ట్రీలో నందమూరి కుటుంబానికి ప్రత్యేకమైన గుర్తింపు ఉంది. సీనియర్ ఎన్టీఆర్ నుంచి జూనియర్ ఎన్టీఆర్ వరకు ప్రతి ఒక్కరూ తమదైన స్థాయిలో విజయాలు సాధించారు. నందమూరి నటసింహం బాలయ్య బాబు అభిమానులలో అపారమైన క్రేజ్ ఉన్న స్టార్ హీరో. ఇటీవల వచ్చిన అఖండ 2 ఆశించిన స్థాయిలో నిలబడకపోయినా, అంతకుముందు చేసిన నాలుగు సినిమాలు సూపర్ హిట్స్ కావడంతో బాలయ్య మరోసారి టాప్ స్థాయిలో ఉన్నాడు. ప్రస్తుతం గోపీచంద్ మలినేని దర్శకత్వంలో ఆయన కొత్త సినిమా చేస్తున్నారు.

బాలయ్య బాబు సినిమాల కథల ఎంపికలో ఆయన కూతురు తేజస్వినే కీలక పాత్ర పోషిస్తోంది. సినిమాల మీద మంచి అవగాహన ఉన్న ఆమె కథలను జాగ్రత్తగా ఎంపిక చేస్తుందనే విషయం బాలయ్య కూడా చెప్పాడు. ఆమె ఎంపికల వల్లే ఇటీవల బాలయ్య సినిమాలు వరుస విజయాలు సాధించాయి.

ఇప్పుడు తేజస్విని తన దర్శకత్వంలో ఒక సినిమా చేయాలని ఆలోచిస్తున్నట్టు వార్తలు వస్తున్నాయి. ఈ సినిమా కోసం ఆమె ఇప్పటికే కథ సిద్ధం చేసిందని సమాచారం. ముఖ్యంగా ఆ సినిమాలో హీరోగా బాలయ్య బాబు ఉంటారని టాలీవుడ్ లో టాక్ నడుస్తోంది. బాలయ్య అభిమానులు కూడా తేజస్విని దర్శకత్వంలో ఆయనను చూడటానికి ఎంతో ఆసక్తిగా ఎదురుచూస్తున్నారు.