‘ది ప్యారడైజ్’ విడుదలకు మరోసారి బ్రేక్.. కారణం ఏమిటంటే?

టాలీవుడ్‌లో పక్కా ప్రణాళికతో సినిమాలు చేసే హీరోగా నానికి ప్రత్యేక గుర్తింపు ఉంది. అయితే ఆయన కెరీర్‌లో అత్యంత ప్రతిష్టాత్మకంగా తెరకెక్కుతున్న ‘ది ప్యారడైజ్’ చిత్రం విషయంలో మాత్రం పరిస్థితులు మారినట్లు కనిపిస్తున్నాయి. దర్శకుడు శ్రీకాంత్ ఓదెల తెరకెక్కిస్తున్న ఈ పాన్ ఇండియా యాక్షన్ డ్రామాపై భారీ అంచనాలు నెలకొన్నాయి. ఇప్పటికే విడుదలైన గ్లింప్స్, పోస్టర్లు, పాటలు సినిమాపై మంచి హైప్‌ను తీసుకువచ్చాయి.

మొదట మార్చి 26 విడుదలగా భావించిన ఈ చిత్రాన్ని తరువాత ఆగస్టు 21కు మార్చారు. అయితే ఇంకా షూటింగ్, యాక్షన్ సీక్వెన్స్‌లు, విజువల్ ఎఫెక్ట్స్ పనులు పెండింగ్‌లో ఉన్నట్లు సినీ వర్గాల్లో ప్రచారం జరుగుతోంది. అదే తేదీన రవితేజ ‘ఇరుముడి’ కూడా విడుదల కానుండటంతో ‘ది ప్యారడైజ్’ మరోసారి వాయిదా పడే అవకాశాలపై చర్చ సాగుతోంది. అయితే దీనిపై చిత్రబృందం నుంచి అధికారిక ప్రకటన వెలువడాల్సి ఉంది.