సిల్వర్‌స్టోన్‌లో విజయ్‌, అజిత్‌.. వైరల్‌గా మారిన రేసింగ్‌ కామెంటరీ!

బ్రిటన్‌లోని సిల్వర్‌స్టోన్ రేసింగ్ సర్క్యూట్‌లో తమిళ స్టార్ హీరోలు విజయ్‌, అజిత్ కుమార్‌ ఒకే చోట కనిపించడంతో అభిమానుల్లో ఆసక్తి నెలకొంది. అజిత్ కుమార్‌ రేసింగ్‌లో పాల్గొనగా, విజయ్‌ అక్కడికి వచ్చి రేసును వీక్షించారు. వీరిద్దరి అరుదైన కలయికకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్‌గా మారాయి.

అయితే ఈ రేసింగ్‌ సందర్భంగా వినిపించిన ఇంగ్లీష్ లైవ్ కామెంటరీ ఇప్పుడు మరో హైలైట్‌గా నిలిచింది. వ్యాఖ్యాతలు విజయ్‌, అజిత్‌ క్రేజ్‌ను హాలీవుడ్ స్టార్లు బ్రాడ్‌ పిట్‌, టామ్‌ క్రూజ్‌తో పోలుస్తూ.. “భారతదేశపు బ్రాడ్‌ పిట్‌, టామ్‌ క్రూజ్‌ ఒకే సమయంలో, ఒకే చోట కలిశారు” అంటూ వ్యాఖ్యానించారు. ఈ రేంజ్‌లో వచ్చిన ఎలివేషన్‌ కామెంటరీ అభిమానులను ఆకట్టుకోవడంతో ఆ క్లిప్‌ను సోషల్ మీడియాలో భారీగా షేర్ చేస్తున్నారు. “కామెంటరీ పీక్స్‌కి చేరింది” అంటూ నెటిజన్లు స్పందిస్తున్నారు.