LPG వినియోగదారులకు గుడ్ న్యూస్.. రీఫిల్ బుకింగ్‌పై కీలక నిర్ణయం!

LPG రీఫిల్ సిలిండర్ బుకింగ్ విషయంలో కీలక మార్పు చోటుచేసుకుంది. ఇకపై పట్టణ, గ్రామీణ ప్రాంతాలకు చెందిన వినియోగదారులు 25 రోజుల గ్యాప్‌తోనే మరో రీఫిల్ సిలిండర్‌ను బుక్ చేసుకునే అవకాశం ఉంటుంది. దీంతో రెండు ప్రాంతాల్లోనూ ఒకే బుకింగ్ గ్యాప్ విధానం అమల్లోకి రానుంది.

ఇప్పటివరకు గ్రామీణ ప్రాంతాల్లో రీఫిల్ సిలిండర్ బుక్ చేసుకోవడానికి 45 రోజుల గ్యాప్ ఉండేది. LPG సరఫరా పరిస్థితులు మెరుగుపడటంతో ఈ గ్యాప్‌ను 25 రోజులకు తగ్గించినట్లు సమాచారం. కొత్త విధానాన్ని అమలు చేయాలని ఇండియన్ ఆయిల్ కార్పొరేషన్ (IOCL), భారత్ పెట్రోలియం (BPCL), హిందుస్థాన్ పెట్రోలియం (HPCL) సంస్థలకు ఆదేశాలు జారీ చేశారు.