ఇరాన్‌లో భారతీయులకు అలర్ట్.. వెంటనే వెళ్లిపోవాలా?

ప్రాంతీయ పరిస్థితులు మారుతున్న నేపథ్యంలో ఇరాన్‌లో ఉన్న భారతీయ పౌరుల కోసం భారత ప్రభుత్వం తాజా ప్రయాణ సూచనలను జారీ చేసింది. తెహ్రాన్‌లోని భారత రాయబార కార్యాలయం, అత్యవసరం కాని ప్రయాణాలను ఇరాన్‌కు వాయిదా వేసుకోవాలని భారతీయులకు సూచించింది. అలాగే స్థానిక పరిస్థితులపై అప్రమత్తంగా ఉండాలని కోరింది.

ఇరాన్‌లో ప్రస్తుతం నివసిస్తున్న భారతీయులు అందుబాటులో ఉన్న రవాణా సౌకర్యాలను ఉపయోగించి వీలైనంత త్వరగా దేశం విడిచివెళ్లాలని రాయబార కార్యాలయం సూచించింది. భారతీయుల భద్రతకు అత్యంత ప్రాధాన్యం ఇస్తూ ప్రాంతీయ పరిణామాలను ప్రభుత్వం నిరంతరం పరిశీలిస్తున్నట్లు వెల్లడించింది.