ఎన్డీఏ కీలక సమావేశానికి ఏపీ సీఎం, డిప్యూటీ సీఎం...

ఆంధ్రప్రదేశ్ ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ మంగళవారం ఢిల్లీకి వెళ్లనున్నారు. జూన్ 10న ప్రధాని నరేంద్ర మోదీ అధ్యక్షతన జరగనున్న ఎన్డీఏ ముఖ్యమంత్రులు, ఉప ముఖ్యమంత్రుల సమావేశంలో వారు పాల్గొననున్నారు. పాలన, అభివృద్ధి కార్యక్రమాలు, కేంద్ర-రాష్ట్రాల సమన్వయం వంటి అంశాలపై ఈ సమావేశంలో చర్చలు జరిగే అవకాశం ఉంది.

జూన్ 9తో మోదీ నేతృత్వంలోని ఎన్డీఏ ప్రభుత్వం మూడోసారి అధికారంలోకి వచ్చి రెండేళ్లు పూర్తి చేసుకుంటున్న నేపథ్యంలో ఈ సమావేశానికి ప్రత్యేక ప్రాధాన్యత ఏర్పడింది. అలాగే జూన్ 15 తర్వాత కేంద్ర మంత్రివర్గ పునర్వ్యవస్థీకరణ జరిగే అవకాశాలపై రాజకీయ వర్గాల్లో చర్చ జరుగుతున్న నేపథ్యంలో ఈ సమావేశం మరింత ఆసక్తికరంగా మారింది.