పుదుచ్చేరిలో అన్బళగన్ ప్రొటెం స్పీకర్‌గా ప్రమాణం

పుదుచ్చేరి శాసనసభ ప్రొటెం స్పీకర్‌గా అన్బళగన్ సోమవారం ప్రమాణస్వీకారం చేశారు. లోక్‌నివాస్‌లో లెఫ్టినెంట్ గవర్నర్ కైలాష్‌నాథన్ ఆయన చేత ప్రమాణం చేయించారు. అనంతరం అన్బళగన్ శాసనసభ స్పీకర్ గదికి వెళ్లి ముఖ్యమంత్రి రంగసామి కాళ్లపై పడి ఆశీర్వాదం తీసుకున్నారు.

అన్బళగన్ మాట్లాడుతూ 16వ శాసనసభ తొలి సమావేశం ఈ నెల 20న ఉదయం 9.30 గంటలకు జరుగుతుందని తెలిపారు. ఎన్నికైన ఎమ్మెల్యేల ప్రమాణస్వీకారం ఆ రోజే నిర్వహించనున్నట్లు చెప్పారు. ముఖ్యమంత్రి రాజీనామా లేఖ అందిందని, ఎన్నికల సంఘానికి సమాచారం పంపుతామని పేర్కొన్నారు.

ఎమ్మెల్యేల ప్రమాణస్వీకార కార్యక్రమాన్ని ప్రత్యక్ష ప్రసారం చేయనున్నట్లు తెలిపారు. ప్రధాన ప్రాంతాల్లో ప్రజల కోసం ఎల్‌ఈడీ తెరలు ఏర్పాటు చేయనున్నట్లు వివరించారు. ఈ కార్యక్రమంలో పలువురు మంత్రులు, పార్టీ నాయకులు, స్వతంత్ర ఎమ్మెల్యేలు పాల్గొన్నారు. కాంగ్రెస్ ఎమ్మెల్యేలు మాత్రం గైర్హాజరయ్యారు.