ఇండోనేషియాలో 6.2 తీవ్రతతో భూకంపం

ఇండోనేషియాలో శక్తివంతమైన భూకంపం సంభవించింది. హల్మహేరా ప్రాంతంలో ఉదయం 10:31 గంటల సమయంలో 6.2 తీవ్రతతో భూమి కంపించింది. ఈ ప్రకంపనలు స్థానికంగా ఆందోళన కలిగించాయి. టెర్నాటే నగరానికి సుమారు 116 కిలోమీటర్ల ఉత్తర దిశలో భూకంప కేంద్రం ఉన్నట్లు అధికారులు తెలిపారు.

ఈ భూకంపాన్ని జర్మన్ రీసెర్చ్ సెంటర్ ఫర్ జియోసైన్సెస్ ధ్రువీకరించింది. భూకంప ప్రభావం, నష్టం వివరాలపై పూర్తి సమాచారం ఇంకా వెలువడాల్సి ఉంది. ఇండోనేషియా భూకంపాలకు అత్యంత సున్నిత ప్రాంతంగా ఉండటంతో అధికారులు అప్రమత్తంగా ఉన్నారు.