పెన్షనర్లకు శుభవార్త: ఇంటి నుంచే జీవన్ ప్రమాణ్ సబ్మిట్

పెన్షనర్లకు పెన్షన్ నిరంతరంగా అందాలంటే ప్రతి సంవత్సరం లైఫ్ సర్టిఫికెట్ (జీవన్ ప్రమాణ్ పత్రం)ను తప్పనిసరిగా సమర్పించాలి. ఇప్పుడు జీవన్ ప్రమాణ్ డిజిటల్ విధానం ద్వారా ఈ ప్రక్రియను ఇంటి నుంచే సులభంగా పూర్తిచేయవచ్చు. ఫేస్ ఆథెంటికేషన్ లేదా బయోమెట్రిక్ (ఫింగర్ ప్రింట్ / ఐరిస్) ద్వారా ధృవీకరణ చేసుకునే అవకాశం ఉంది. ఇందుకోసం బ్యాంక్ లేదా పెన్షన్ కార్యాలయాలకు వెళ్లాల్సిన అవసరం లేదు.

ఆన్‌లైన్ విధానం (జీవన్ ప్రమాణ్ పోర్టల్ ద్వారా):

1. అధికారిక వెబ్‌సైట్ jeevanpramaan.gov.in ను సందర్శించండి.

2. ఆధార్ నంబర్, మొబైల్ నంబర్, PPO నంబర్, పెన్షన్ రకం మరియు బ్యాంక్ వివరాలను నమోదు చేయండి.

3. రీ-ఎంప్లాయ్‌మెంట్ లేదా రీ-మ్యారేజ్‌కు సంబంధించిన వివరాలను ధృవీకరించండి.

4. రిజిస్టర్డ్ బయోమెట్రిక్ డివైస్‌తో ఫింగర్ ప్రింట్ లేదా ఐరిస్ స్కాన్ చేయండి.

5. సర్టిఫికెట్ జనరేట్ అవుతుంది మరియు సంబంధిత ఐడీ SMS ద్వారా మీ మొబైల్‌కు వస్తుంది.

UMANG యాప్ ద్వారా:

1. గూగుల్ ప్లే స్టోర్ నుంచి UMANG యాప్ డౌన్‌లోడ్ చేసుకోండి.

2. యాప్‌లో ‘జీవన్ ప్రమాణ్’ అని సెర్చ్ చేసి ‘జనరేట్ లైఫ్ సర్టిఫికెట్’ను సెలెక్ట్ చేయండి.

3. ఆధార్, PPO వివరాలు ఎంటర్ చేసి బయోమెట్రిక్ ఆథెంటికేషన్ పూర్తి చేయండి.

4. DLC (డిజిటల్ లైఫ్ సర్టిఫికెట్) జనరేట్ అయి సంబంధిత అధికారికి పంపబడుతుంది.

ఆఫ్‌లైన్ విధానం:

1. బ్యాంక్ బ్రాంచ్ లేదా సమీప సిటిజన్ సర్వీస్ సెంటర్ (CSC) లో లైఫ్ సర్టిఫికెట్ సమర్పించుకోవచ్చు.

2. ఇంటి నుంచి వెళ్లలేని వారికి ఇండియా పోస్ట్ పేమెంట్స్ బ్యాంక్ (IPPB) డోర్‌స్టెప్ సర్వీస్ కూడా అందుబాటులో ఉంది.