iQOO 16లో స్నాప్‌డ్రాగన్ కొత్త చిప్..?

iQOO కొత్త ఫ్లాగ్‌షిప్ స్మార్ట్‌ఫోన్ ఐక్యూ ఓ 16పై ఆసక్తికరమైన సమాచారం బయటకు వచ్చింది. ఈ ఫోన్ చైనాలో రిజిస్టర్ అయినట్లు సమాచారం కాగా, ఇందులో అత్యాధునిక స్నాప్‌డ్రాగన్ 8 ఎలైట్ జనరేషన్ 6 ప్రో చిప్‌సెట్ ఉపయోగించే అవకాశముందని టిప్‌స్టర్లు చెబుతున్నారు. ఈ చిప్‌సెట్ 2 నానోమీటర్ టెక్నాలజీపై రూపొందే అవకాశం ఉండగా, గత మోడల్‌తో పోలిస్తే మెరుగైన పనితీరును అందిస్తుందని అంచనా వేస్తున్నారు.

ఇక డిస్‌ప్లే విషయంలో కూడా ఐక్యూ ఓ 16 ప్రత్యేకంగా నిలవనుంది. దక్షిణ కొరియా కంపెనీ Samsung తయారు చేసిన 2K రిజల్యూషన్, అధిక రిఫ్రెష్ రేట్ ఉన్న ఫ్లాట్ డిస్‌ప్లే ఇందులో ఉండే అవకాశం ఉంది. గత ఏడాది వచ్చిన ఐక్యూ ఓ 15లో 144Hz రిఫ్రెష్ రేట్‌తో AMOLED డిస్‌ప్లే ఉండగా, కొత్త మోడల్‌లో మరింత మెరుగైన విజువల్ అనుభవం లభించే అవకాశం ఉంది.

అలాగే ధర కూడా గత మోడల్ కంటే ఎక్కువగా ఉండే సూచనలు ఉన్నాయి. ఐక్యూ ఓ 15 భారత్‌లో రూ.72,999 నుంచి ప్రారంభమైన నేపథ్యంలో, ఐక్యూ ఓ 16 మరింత ప్రీమియం ధరలో లాంచ్ అయ్యే అవకాశముంది. అధికారిక ప్రకటన ఇంకా రాకపోయినా, టెక్ ప్రపంచంలో ఈ ఫోన్‌పై ఇప్పటికే భారీ ఆసక్తి నెలకొంది.