T20 ప్రపంచ కప్... ఇంగ్లాండ్ పై వెస్టిండీస్ విజయం

ఐసీసీ పురుషుల టీ20 ప్రపంచకప్ 2026లో గ్రూప్-Cకి చెందిన 15వ మ్యాచ్‌లో వెస్టిండీస్ జట్టు ఇంగ్లండ్‌పై 30 పరుగుల తేడాతో విజయం సాధించింది. ముందుగా బ్యాటింగ్ చేసిన వెస్టిండీస్ నిర్ణీత 20 ఓవర్లలో 6 వికెట్లు కోల్పోయి 196 పరుగులు చేసింది. లక్ష్య ఛేదనలో ఇంగ్లండ్ జట్టు 19 ఓవర్లలో 166 పరుగులకు ఆలౌట్ అయింది.

ఈ విజయంతో టీ20 ప్రపంచకప్‌లో ఇంగ్లండ్‌పై వెస్టిండీస్ ఆధిపత్యం కొనసాగింది. ఇప్పటివరకు రెండు జట్లు ప్రపంచకప్‌లో మొత్తం 8 సార్లు ఎదురుపడగా, అందులో వెస్టిండీస్ 6 మ్యాచ్‌లు గెలిచింది. ఇంగ్లండ్ మాత్రం 2 మ్యాచ్‌లలో మాత్రమే విజయం సాధించింది.

బ్యాటింగ్, బౌలింగ్, ఫీల్డింగ్ మూడు విభాగాల్లోనూ సమర్థవంతమైన ప్రదర్శనతో వెస్టిండీస్ వరుసగా రెండో విజయాన్ని నమోదు చేసి గ్రూప్-C పట్టికలో అగ్రస్థానానికి చేరుకుంది. బౌలర్ గుడకేశ్ మోటి 3/33 గణాంకాలతో అద్భుత ప్రదర్శన చేసి జట్టు విజయానికి కీలకంగా నిలిచారు.