క్రీడలు
2, ఆగస్టు 2026, ఆదివారం
విడుదల తేదీ: —
నటీనటులు: దొర సాయి తేజ, అక్షర నల్ల, నితిన్ ప్రసన్న, కిరణ్ కుమార్ కామ్తం, సూరి కే చాప్లిన్, విక్రమ్ దేవాకి
దర్శకుడు: ఆదిత్య దేవులపల్లి
నిర్మాతలు: ఛాయ్ షాట్స్
సంగీత దర్శకుడు: రిషి ఎమ్
సినిమాటోగ్రాఫర్: అశ్విన్ లెనిన్
ఎడిటర్: జగదీష్ గౌడ్
కథ: విజయ్ కుమార్
ఈ సిరీస్లో ప్రధాన ఆకర్షణ దొర సాయి తేజ నటన. ఒక రా అండ్ రఫ్ యాంటీ హీరోగా ఆయన చూపించిన ఇంటెన్సిటీ, కళ్లలో కనిపించే ఆగ్రహం, విజయం కోసం చేసే పోరాటం ప్రేక్షకులను పూర్తిగా ఆకట్టుకుంటుంది. చిన్న ఎపిసోడ్లతోనే కథను గట్టిగా నడిపించడం దర్శకుడి ప్రతిభను చూపిస్తుంది. ఆదిత్య దేవులపల్లి టేకింగ్ చాలా షార్ప్గా ఉండి, ప్రతి సీన్కు ఒక స్పష్టమైన పాయింట్ ఉండటం ఈ సిరీస్కు బలంగా నిలిచింది. రిషి ఎమ్ అందించిన బ్యాక్ గ్రౌండ్ స్కోర్ సన్నివేశాలకు మరింత ఎమోషన్ను జోడించగా, అశ్విన్ లెనిన్ విజువల్స్ రా ఫీల్ను బాగా క్యాప్చర్ చేశాయి. మొత్తం మీద 64 నిమిషాల నిడివిలోనే గ్రిప్పింగ్ అనుభవాన్ని అందించడం ప్రత్యేకతగా చెప్పుకోవచ్చు.
సిరీస్ చిన్నదిగా ఉండటం వల్ల కొన్ని పాత్రల డెప్త్ పూర్తిగా ఎక్స్ప్లోర్ కాలేదు. కొన్ని చోట్ల కథ మరింత విస్తరించి ఉంటే ఇంకా బలంగా కనెక్ట్ అయ్యేదని అనిపిస్తుంది. అలాగే యాంటీ హీరో ప్రవర్తన కొంతమందికి హార్డ్గా అనిపించే అవకాశం ఉంది. కొంతమంది ప్రేక్షకులకు మైక్రో ఫార్మాట్ కొత్తగా అనిపించి అంగీకరించడానికి సమయం పట్టవచ్చు.
దర్శకుడు ఆదిత్య దేవులపల్లి తన తొలి ప్రయత్నంలోనే మంచి ప్రావీణ్యం చూపించారు. స్క్రీన్ప్లే కట్టుదిట్టంగా ఉండి, ఎక్కడా లాగింగ్ అనిపించదు. రిషి ఎమ్ సంగీతం సిరీస్కు ప్రాణంగా నిలిచింది. అశ్విన్ లెనిన్ సినిమాటోగ్రఫీ విజువల్ టోన్ను బలంగా నిలబెట్టింది. ఎడిటర్ జగదీష్ గౌడ్ పనితనం వల్ల పేసింగ్ చాలా ఫాస్ట్గా ఉంది. ఆర్ట్ డైరెక్షన్ కూడా కథకు తగిన విధంగా సహకరించింది.
‘దంధా’ ఒక చిన్న నిడివిలో పెద్ద ఇంపాక్ట్ చూపించిన క్రైమ్ డ్రామా. రా అండ్ ఇంటెన్స్ కథనంతో తెలుగు డిజిటల్ కంటెంట్లో ఒక కొత్త దిశను చూపించింది. తప్పకుండా చూడాల్సిన సిరీస్.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!