సీఎం విజయ్ నిర్ణయం పై విశాల్ విమర్శలు!

నటుడు విశాల్ తమిళనాడు ముఖ్యమంత్రి విజయ్ తీసుకున్న కీలక నిర్ణయంపై బహిరంగంగా అసంతృప్తి వ్యక్తం చేశారు. సినిమాటోగ్రఫీ మరియు ఫిల్మ్ టెక్నాలజీ శాఖ మంత్రిగా రాజ్‌మోహన్‌ను నియమించడాన్ని ఆయన వ్యతిరేకించారు. సినీ రంగానికి సంబంధించిన అనుభవం లేని వ్యక్తికి ఈ శాఖను అప్పగించడం నిరాశ కలిగించిందని ఎక్స్ వేదికగా చేసిన పోస్ట్‌లో పేర్కొన్నారు. అయితే స్కూళ్లు, ప్రార్థనా మందిరాల సమీపంలో మద్యం దుకాణాలు మూసివేయాలన్న సీఎం విజయ్ నిర్ణయాన్ని విశాల్ ప్రశంసించారు.

సినీ రంగం ఎదుర్కొంటున్న సమస్యలను అనుభవం లేని వ్యక్తికి ఎలా వివరించగలమని విశాల్ ప్రశ్నించారు. ప్రభుత్వ టికెటింగ్ విధానం తీసుకురావాలని, స్థానిక సంస్థల పన్నును రద్దు చేయాలని, చిన్న సినిమాలకు సబ్సిడీలు పెంచాలని సీఎం విజయ్‌ను కోరారు. రాజ్‌మోహన్‌ను అవమానించడం తన ఉద్దేశం కాదని, సినీ పరిశ్రమ ప్రయోజనాల దృష్ట్యా ఈ వ్యాఖ్యలు చేస్తున్నానని స్పష్టం చేశారు. సీఎం విజయ్ తగిన నిర్ణయం తీసుకుంటారని ఆశిస్తున్నట్లు తెలిపారు.