న్యూ ఇయర్‌ విశెస్ తెలిపిన చెన్నై లవ్ స్టోరీ టీమ్.. సమ్మర్ రిలీజ్‌కు రెడీ

సక్సెస్‌ఫుల్ హీరో కిరణ్ అబ్బవరం, యంగ్ అండ్ టాలెంటెడ్ హీరోయిన్ శ్రీ గౌరి ప్రియ జంటగా తెరకెక్కుతున్న క్రేజీ మూవీ ‘చెన్నై లవ్ స్టోరీ’ టీమ్ న్యూ ఇయర్ సందర్భంగా ప్రేక్షకులకు శుభాకాంక్షలు తెలిపింది. కలర్ ఫోటో, బేబి వంటి కల్ట్ క్లాసిక్ చిత్రాలు అందించిన దర్శక–నిర్మాత సాయి రాజేశ్, ప్రొడ్యూసర్ ఎస్ కేఎన్ కాంబినేషన్‌లో ఈ సినిమాను అమృత ప్రొడక్షన్స్, మాస్ మూవీ మేకర్స్ బ్యానర్లపై నిర్మిస్తున్నారు. సాయి రాజేశ్ కథ అందిస్తుండగా, రవి నంబూరి దర్శకత్వం వహిస్తున్నారు.

న్యూ ఇయర్ సందర్భంగా విడుదల చేసిన పోస్టర్ ప్రేక్షకులను ఆకట్టుకుంటోంది. మెలొడీ బ్రహ్మ మణిశర్మ సంగీతం అందిస్తున్న ఈ చిత్రం సమ్మర్‌లో గ్రాండ్ థియేట్రికల్ రిలీజ్‌కు సిద్ధమవుతోంది. ఇప్పటికే మంచి అంచనాలు ఏర్పడిన ‘చెన్నై లవ్ స్టోరీ’పై ఈ ఏడాది మరిన్ని ఆసక్తికర అప్‌డేట్స్ రానున్నాయని చిత్రబృందం తెలిపింది.