శ్రీలీల ప్రేమ వార్తలకు చెక్

ధర్మశాలలో జరిగిన పంజాబ్‌ కింగ్స్‌, ముంబై ఇండియన్స్‌ ఐపీఎల్‌ మ్యాచ్ సందర్భంగా నటి శ్రీలీల తల్లి డాక్టర్‌ స్వర్ణలత కనిపించడంతో సామాజిక మాధ్యమాల్లో కొత్త చర్చ మొదలైంది. శ్రీలీల, క్రికెటర్‌ తిలక్‌ వర్మ మధ్య ప్రేమ వ్యవహారం నడుస్తోందంటూ పుకార్లు వైరల్‌గా మారాయి. ఈ వార్తలు అభిమానుల్లో ఆసక్తిని పెంచాయి.

ఇదే సమయంలో తిలక్‌ వర్మ ప్రేమలో ఉన్నాడంటూ సూర్యకుమార్‌ యాదవ్‌ సరదాగా మాట్లాడిన వీడియో కూడా సామాజిక మాధ్యమాల్లో వైరల్ అయింది. అయితే ఈ ప్రచారాలపై శ్రీలీల బృందం స్పందిస్తూ డేటింగ్ వార్తలను పూర్తిగా ఖండించింది. శ్రీలీల, తిలక్‌ వర్మలు ఇప్పటివరకు వ్యక్తిగతంగా కలుసుకోలేదని స్పష్టం చేసింది.