శ్రీవిష్ణు సందడితో ఊపందుకున్న కొరియన్ కనకరాజు

వరుణ్ తేజ్ హీరోగా తెరకెక్కుతున్న 'కొరియన్ కనకరాజు' విడుదలకు ముందు ప్రచార కార్యక్రమాలను చిత్రబృందం మరింత వేగవంతం చేసింది. ఇప్పటికే వినూత్న ప్రమోషన్లతో ప్రేక్షకుల దృష్టిని ఆకర్షించిన ఈ సినిమా, తాజాగా శ్రీవిష్ణు పాల్గొన్న ప్రత్యేక ప్రచార వీడియోను విడుదల చేసింది. తనదైన హాస్యశైలితో శ్రీవిష్ణు చేసిన సందడి ప్రేక్షకులను ఆకట్టుకుంటుండగా, ఈ వీడియో సోషల్ మీడియాలో వేగంగా వైరల్ అవుతోంది.

మేర్లపాక గాంధీ దర్శకత్వంలో రూపొందుతున్న ఈ హారర్-కామెడీ చిత్రంలో వరుణ్ తేజ్ సరసన రితికా నాయక్ కథానాయికగా నటిస్తున్నారు. ప్రముఖ హాస్యనటుడు సత్య కీలక పాత్రలో కనిపించనున్నారు. ప్రచార వీడియోలో శ్రీవిష్ణు చెప్పిన సరదా సంభాషణలు సినిమాపై ఆసక్తిని మరింత పెంచాయి. థమన్ సంగీతం అందిస్తున్న ఈ చిత్రంపై విడుదలకు ముందే మంచి బజ్ నెలకొంది.