భర్త మహాశయులకు విజ్ఞప్తి మూవీ నుంచి లిరికల్ వీడియో విడుదల!

మాస్ మహారాజా రవితేజ హీరోగా, కిషోర్ తిరుమల దర్శకత్వంలో రూపొందుతున్న అవుట్ అండ్ అవుట్ ఎంటర్‌టైనర్ 'భర్త మహాశయులకు విజ్ఞప్తి' ప్రేక్షకులను ఆకట్టుకోనుంది. ఎస్ఎల్‌వి సినిమాస్ బ్యానర్‌పై సుధాకర్ చెరుకూరి హై ప్రొడక్షన్ వాల్యూస్‌తో నిర్మిస్తున్న ఈ చిత్రాన్ని జీ స్టూడియోస్ సమర్పిస్తోంది. రవితేజ సరసన ఆశికా రంగనాథ్, డింపుల్ హయతి కథానాయికలుగా నటిస్తున్నారు. చార్ట్‌బస్టర్‌గా నిలిచిన 'బెల్లాబెల్లా' తర్వాత, మేకర్స్ తాజాగా రెండో సాంగ్ 'అద్దం ముందు' లిరికల్ వీడియోను విడుదల చేశారు. భీమ్స్‌ సిసిరోలియో అందించిన ఈ మెలోడీకి శ్రేయా ఘోషాల్, కపిల్ కపిలన్ స్వరాలు మరింత మాధుర్యాన్ని చేకూర్చగా, చంద్రబోస్ సాహిత్యం ప్రేమలో ఉన్న జంటల భావోద్వేగాలను ఆప్యాయంగా చిత్రించింది.

విజువల్‌గా 'అద్దం ముందు' పాట ప్రేక్షకులకు కన్నుల పండువగా నిలిచింది. శేఖర్ మాస్టర్ కొరియోగ్రఫీతో, యూరప్ అందమైన లొకేషన్లలో చిత్రీకరించిన ఈ సాంగ్‌లో రవితేజ–డింపుల్ హయతి కెమిస్ట్రీ అదిరిపోయేలా ఉంది. వారి రొమాంటిక్ మోమెంట్స్, క్యూట్ ఎక్స్‌ప్రెషన్స్, ప్లేఫుల్ ఇంటరాక్షన్స్ పాటను మరింత ఆకర్షణీయంగా మార్చాయి. సినిమాటోగ్రాఫర్ ప్రసాద్ మురెళ్ల, జాతీయ అవార్డు గ్రహీత శ్రీకర్ ప్రసాద్, ప్రొడక్షన్ డిజైనర్ ఏఎస్ ప్రకాశ్ వంటి టాప్ టెక్నీషియన్స్ పనిచేస్తున్న ఈ చిత్రం 2026 సంక్రాంతికి విడుదల కానుంది.