సంక్రాంతి రేస్ లో చిరంజీవి, ప్రభాస్ మూవీ, రిలీజ్ డేట్ లో క్లాష్

తెలుగు సినిమాల్లో సంక్రాంతి రేస్ అంటే బాక్సాఫీస్ వద్ద పెద్ద క్లాష్ అనే మాట వాడక తప్పదు. 2026 సంక్రాంతి కోసం ఇప్పటికే ఆరు సినిమాలు బరిలో ఉన్నాయి. డబ్బింగ్ సినిమాల్లో జన నాయకుడు, పరాశక్తి డేట్స్‌ను ప్రకటించాయి. ది రాజా సాబ్ అయితే జనవరి 8 నుంచే రేస్ ప్రారంభించనుంది. అదేవిధంగా అనగనగా ఒక రాజు కూడా తన రిలీజ్ డేట్‌ను ఫిక్స్ చేసుకుంది. అయితే మెగాస్టార్ చిరంజీవి నటిస్తున్న చిత్రానికి సంబంధించిన రిలీజ్ డేట్‌పై ఇంకా పెద్ద సస్పెన్స్ కొనసాగుతోంది. అప్డేట్లు వస్తున్నప్పటికీ ఖచ్చితమైన తేదీ మాత్రం ప్రకటించలేదు.

ఇక రవితేజ నటించిన భర్త మహాశయులు రిలీజ్ డేట్ కూడా ఇంకా నిర్ణయించలేదు. ఏ పరిస్థితుల్లోనైనా ఈ సినిమాను సంక్రాంతి బరిలోనే విడుదల చేయాలని మేకర్స్ భావిస్తున్నారని తెలుస్తోంది. శర్వానంద్ నారీ నారీ నడుమ మురారి చిత్రానికి కూడా స్పష్టత రాలేదు. ఒకే రోజు రెండు పెద్ద సినిమాలు విడుదలైతే రెండు సినిమాలకూ థియేటర్ల పరంగా ప్రభావం పడే అవకాశం ఉంది. అలాగే థియేటర్ల సర్దుబాటు కూడా మేకర్స్‌కి మరో పెద్ద సవాల్ అవుతోంది. ఈ పరిస్థితుల్లో 2026 సంక్రాంతి క్లాష్ మరింత ఆసక్తికరంగా మారబోతుందనే చెప్పాలి.