ఒకే రోజు.. ఎన్టీఆర్ హంగామా మామూలుగా లేదుగా !

యంగ్ టైగర్ ఎన్టీఆర్ ఈ నెల 20న పుట్టినరోజు జరుపుకోనుండగా అభిమానుల్లో భారీ ఉత్సాహం కనిపిస్తోంది. ప్రస్తుతం ప్రశాంత్ నీల్ దర్శకత్వంలో తెరకెక్కుతున్న సినిమాలో ఎన్టీఆర్ నటిస్తున్నాడు. ఈ చిత్రానికి సంబంధించిన ప్రత్యేక గ్లింప్స్‌ను పుట్టినరోజు సందర్భంగా విడుదల చేయనున్నట్లు చిత్రబృందం ప్రకటించింది. అలాగే ఈ సినిమాకు “డ్రాగన్” అనే టైటిల్ ఖరారు చేసే అవకాశాలు ఉన్నాయని సినీ వర్గాల్లో ప్రచారం జరుగుతోంది.

మరోవైపు త్రివిక్రమ్ శ్రీనివాస్ ఎన్టీఆర్‌తో పురాణ కథా నేపథ్యంలోని ఓ భారీ చిత్రాన్ని తెరకెక్కించేందుకు సిద్ధమవుతున్నట్లు సమాచారం. ఈ సినిమాకు “గాడ్ ఆఫ్ వార్” అనే తాత్కాలిక పేరు వినిపిస్తోంది. అలాగే “దేవర 2” గురించి కూడా కొత్త పోస్టర్ లేదా అప్డేట్ వచ్చే అవకాశాలు ఉన్నాయని టాక్ నడుస్తోంది. దీంతో ఈసారి ఎన్టీఆర్ పుట్టినరోజు వేడుకలు అభిమానులకు మరింత ప్రత్యేకంగా మారనున్నాయి.