వియత్నాంలో కఠిన శిక్షణ పొందిన నిఖిల్ సిద్ధార్థ

నిఖిల్ సిద్ధార్థ కథానాయకుడిగా భరత్ కృష్ణమాచారి దర్శకత్వంలో రూపొందుతున్న పాన్ ఇండియా చిత్రం ‘స్వయంభూ’ నుంచి ఆయన పుట్టినరోజు సందర్భంగా కొత్త పోస్టర్‌తో పాటు ప్రత్యేక వీడియో విడుదల చేశారు. భువన్, శ్రీకర్ నిర్మిస్తున్న ఈ చిత్రాన్ని ఠాగూర్ మధు సమర్పిస్తున్నారు. నభా నటేశ్, సంయుక్త కథానాయికలుగా నటిస్తున్నారు.

ఈ వీడియోలో వియత్నాంలో నిఖిల్ తీసుకున్న కత్తియుద్ధం, సాఫ్ట్ కాంబాట్, మార్షల్ ఆర్ట్స్ శిక్షణను చూపించారు. చారిత్రక అంశాలతో కూడిన ఈ యాక్షన్ డ్రామాలో నిఖిల్ ఓ యోధుడి పాత్రలో కనిపించనున్నారు. ప్రస్తుతం పోస్ట్ ప్రొడక్షన్ పనులు వేగంగా జరుగుతున్నాయి. త్వరలో విడుదల తేదీ ప్రకటించనున్నారు. సంగీతం రవి బస్రూర్, ఛాయాగ్రహణం కె.కె. సెంథిల్ కుమార్ అందిస్తున్నారు.