నాని అభిమానులు మరిన్ని అప్డేట్స్ కోరుతున్నారా ?

నాని హీరోగా, శ్రీకాంత్ ఓదెల దర్శకత్వంలో తెరకెక్కుతున్న ది ప్యారడైజ్ సినిమాపై వస్తున్న రీషూట్ వార్తలకు చిత్రబృందం క్లారిటీ ఇచ్చింది. ఇప్పటికే వంద రోజులకు పైగా షూటింగ్ పూర్తి అయినప్పటికీ ఒక్కరోజు కూడా రీషూట్ జరగలేదని అధికారికంగా ప్రకటించింది. సినిమా ప్రణాళిక ప్రకారమే ముందుకు సాగుతోందని మేకర్స్ స్పష్టం చేశారు.

అయితే అభిమానులు మాత్రం మరిన్ని అప్డేట్స్ ఇవ్వాలని కోరుతున్నారు. ఇప్పటికే విడుదలైన గ్లింప్స్, “ఆయా షేర్” పాట సోషల్ మీడియాలో మంచి స్పందన తెచ్చుకున్నప్పటికీ అది సరిపోదని అభిమానులు అంటున్నారు. ఆగస్టు 21 న సినిమాను విడుదల చేయాలనే లక్ష్యంతో చిత్రబృందం పనిచేస్తున్నట్లు సమాచారం. అయితే సమయం, నిర్మాణ వ్యయం విషయాల్లో ఒత్తిడి పెరుగుతోందనే చర్చ కూడా సినీ వర్గాల్లో కొనసాగుతోంది.