‘కల్కి-2’పై నాగ్ అశ్విన్ క్లారిటీ.. సుమతి పాత్రకు కీలక ప్రాధాన్యం

‘కల్కి-2’ చిత్రానికి సంబంధించిన ప్రచారాలపై దర్శకుడు నాగ్ అశ్విన్ స్పష్టత ఇచ్చారు. సుమతి పాత్రను కథ నుంచి తొలగిస్తున్నారన్న వార్తలను ఖండిస్తూ, ఆ పాత్ర కథలో అత్యంత కీలకమైనదని పేర్కొన్నారు. దీంతో సోషల్ మీడియాలో వైరల్ అయిన పలు ఊహాగానాలకు ఆయన ఫుల్‌స్టాప్ పెట్టారు.

అదే సమయంలో సుమతి పాత్ర కోసం సాయి పల్లవిని ఎంపిక చేశారన్న ప్రచారాన్ని కూడా నాగ్ అశ్విన్ ఖండించారు. సరైన సమయంలో పూర్తి వివరాలు వెల్లడిస్తామని చెప్పారు. ఇప్పటికే రెండు షూటింగ్ షెడ్యూల్స్ పూర్తయ్యాయని, సెప్టెంబర్ నుంచి నాన్‌స్టాప్ షూటింగ్ కొనసాగుతుందని వెల్లడించారు. దీంతో ‘కల్కి-2’పై అభిమానుల్లో మరింత ఆసక్తి పెరిగింది.