మాధవీలత కామెంట్స్ వైరల్!

‘నా అన్వేషణ’ ద్వారా గుర్తింపు పొందిన ప్రముఖ యూట్యూబర్ అన్వేష్‌పై నటి, బీజేపీ నాయకురాలు మాధవీలత తీవ్రస్థాయిలో విమర్శలు చేశారు. ఇటీవల ఒక ఆధ్యాత్మిక గురువుపై అన్వేష్ చేసిన వ్యాఖ్యలు తనను తీవ్రంగా కలిచివేశాయని ఆమె తెలిపారు. సనాతన ధర్మాన్ని, పీఠాధిపతులను అవమానించేలా మాట్లాడితే సహించబోమని స్పష్టం చేశారు.

సామాజిక మాధ్యమాల వేదికగా స్పందించిన మాధవీలత, లైవ్ వీడియోలో అన్వేష్‌పై ఘాటు వ్యాఖ్యలు చేశారు. జగద్గురువును అవమానించడం అతని అహంకారానికి నిదర్శనమని మండిపడ్డారు. ఆధ్యాత్మిక గురువుల గురించి తక్కువ చేసి మాట్లాడటం సమాజానికి మంచిది కాదని హెచ్చరించారు.

మాధవీలత చేసిన వ్యాఖ్యలు ప్రస్తుతం సామాజిక మాధ్యమాల్లో తీవ్ర చర్చకు దారితీశాయి. ఒకవైపు అన్వేష్ అభిమానులు, మరోవైపు మాధవీలత మద్దతుదారులు పరస్పరం వాదనలు కొనసాగిస్తున్నారు. ఈ వివాదం ప్రస్తుతం తెలుగు రాష్ట్రాల్లో హాట్ టాపిక్‌గా మారింది.