లెనిన్ ఫస్ట్ సాంగ్ డేట్ ఫిక్స్

అఖిల్ అక్కినేని హీరోగా నటిస్తున్న లేటెస్ట్ మూవీ ‘లెనిన్’ నుంచి అభిమానులకు అదిరిపోయే అప్డేట్ వచ్చింది. న్యూ ఇయర్ స్పెషల్‌గా ఈ సినిమా నుంచి ఫస్ట్ సింగిల్ విడుదల తేదీని మేకర్స్ అధికారికంగా ప్రకటించారు. జనవరి 5న తొలి పాటను రిలీజ్ చేయనున్నట్లు తెలిపారు. ఇప్పటికే విడుదలైన టైటిల్ గ్లింప్స్‌, ఫస్ట్ లుక్‌కు మంచి స్పందన రావడంతో, ఈ పాటపై కూడా భారీ అంచనాలు ఏర్పడ్డాయి. రాయలసీమ నేపథ్యంలో తెరకెక్కుతున్న ఈ సినిమా రూరల్ లవ్ అండ్ యాక్షన్ డ్రామాగా రూపొందుతోంది.

ఫస్ట్ సాంగ్ అనౌన్స్‌మెంట్ పోస్టర్‌లో అఖిల్ మాస్ లుక్‌లో నవ్వుతూ కనిపించడం ఆకట్టుకుంటోంది. జాతర బ్యాక్‌డ్రాప్‌లో సాగే ఈ పాట ప్రేక్షకులను అలరించనుందని మేకర్స్ చెబుతున్నారు. మురళి కిషోర్ అబ్బుర దర్శకత్వంలో తెరకెక్కుతున్న ఈ చిత్రాన్ని నాగార్జున, సూర్యదేవర నాగవంశీ సంయుక్తంగా నిర్మిస్తున్నారు. భాగ్యశ్రీ బోర్సే హీరోయిన్‌గా నటిస్తుండగా, శివాజీ కీలక పాత్రలో కనిపించనున్నారు. 2026 సమ్మర్‌లో ‘లెనిన్’ థియేటర్లలో విడుదల కానుంది.