‘చేతబడి’ చేయబోతున్న జేడీ చక్రవర్తి.. రియల్ ఇన్సిడెంట్ ఆధారంగా హారర్ మిస్టరీ!

టాలీవుడ్ వెర్సటైల్ ఆర్టిస్ట్ జేడీ చక్రవర్తి ‘చేతబడి’ చిత్రం టైటిల్‌ను రివీల్ చేశారు. M3 మీడియా, మహా మూవీస్ సంయుక్తంగా నిర్మిస్తున్న ఈ చిత్రాన్ని మహర్షి కూండ్ల సమర్పిస్తున్నారు. సూర్యాస్ రచన, దర్శకత్వం వహిస్తున్నారు. అచ్చు రాజమణి సంగీతం అందిస్తున్నారు. చంద్రబోస్ గీత రచన చేస్తున్నారు.

మిర్లాన్ నసీర్ సినిమాటోగ్రఫీ, వంశీ ఎడిటింగ్ చేస్తున్నారు. రియల్ ఇన్సిడెంట్ ఆధారంగా రూపొందుతున్న ఈ చిత్రం హారర్, మిస్టరీతో ప్రేక్షకులను ఉత్కంఠకు గురి చేస్తుంది. ఇప్పటికే విడుదలైన ప్రీ లుక్ పోస్టర్ ఆసక్తి పెంచింది. జేడీ చక్రవర్తి మునుపెన్నడూ చేయని డిఫరెంట్ అవతారంలో హీరోగా, విలన్‌గా కనిపించబోతున్నారు.

రెగ్యులర్ షూటింగ్ మొదలు కాకముందే ఐదు భాషల ఆడియో రైట్స్ సరిగమ సంస్థ దక్కించుకుంది. తెలుగులో ఒక పాట, మిగిలిన భాషల్లో వేర్వేరు పాటలు సేమ్ విజువల్స్‌తో విడుదల కానున్నాయి. వచ్చే నెల నుంచి రెగ్యులర్ షూటింగ్ ప్రారంభమవుతుంది. ఈ చిత్రం ప్రేక్షకులకు కొత్త అనుభవం ఇవ్వనుంది. జేడీ డ్యూయల్ షేడ్స్‌లో నటించడం మరో ఆకర్షణ.