జైలర్ 2పై బిగ్ అప్డేట్..

లేటు వయసులో సూపర్ స్టార్ రజనీకాంత్‌కు భారీ విజయాన్ని అందించిన చిత్రం ‘జైలర్’. మాస్ యాక్షన్, స్టైలిష్ ప్రెజెంటేషన్, అనిరుధ్ సంగీతం, నెల్సన్ దిలీప్‌కుమార్ దర్శకత్వంతో ఈ సినిమా బాక్సాఫీస్ వద్ద సంచలనం సృష్టించింది. ఇప్పుడు ఈ సినిమాకు సీక్వెల్‌గా ‘జైలర్ 2’ రూపొందుతోంది. ఈ సినిమా విడుదల తేదీకి సంబంధించిన బిగ్ అప్డేట్ ఈరోజు సాయంత్రం 6 గంటలకు రాబోతుందని సన్ పిక్చర్స్ అధికారికంగా ప్రకటించింది.

ఈ ప్రకటనతోనే సినిమా పేరు సోషల్ మీడియాలో ట్రెండింగ్‌లోకి వచ్చింది. వినాయక చవితి సందర్భంగా విడుదలవుతుందన్న ప్రచారం సాగుతుండగా, అధికారిక క్లారిటీ కోసం అభిమానులు ఎదురుచూస్తున్నారు. రజనీకాంత్‌తో పాటు శివ రాజ్‌కుమార్, మోహన్‌లాల్, ఎస్.జె. సూర్య కీలక పాత్రల్లో నటిస్తున్నారు. అనిరుధ్ సంగీతం అందిస్తుండగా నెల్సన్ దర్శకత్వం వహిస్తున్నారు. ఈ భారీ ప్రాజెక్ట్‌పై అంచనాలు మరింత పెరిగాయి.