పేదరికం నుంచి బిగ్ బాస్ విన్నర్ వరకు కళ్యాణ్ పడాల సక్సెస్ స్టోరీ

తినుబండారాలు అమ్ముకుంటూ జీవనం సాగించిన ఒక పేద దంపతుల కుటుంబంలో పడాల కళ్యాణ్ జన్మించారు. రోజువారీ ఆదాయం ఉంటేనే ఆ రోజు గడిచేది. అలాంటి పరిస్థితుల్లో కుటుంబానికి ఆర్థిక ఇబ్బందులు పెరిగాయి. కొంతకాలానికి మరో కుమారుడు పుట్టడంతో కష్టాలు మరింత తీవ్రమయ్యాయి.

ఇంట్లో కనీస అవసరాలు కూడా తీరని పరిస్థితి రావడంతో పెద్ద కుమారుడైన కళ్యాణ్‌ను బంధువుల ఇంటికి పంపించాల్సి వచ్చింది. ఆ పరిస్థితిని అర్థం చేసుకున్న చిన్న వయసులోనే ఆయన చదువు పై పూర్తి దృష్టి పెట్టారు. కష్టాలను వెనక్కి నెట్టి, చదువును ఆయుధంగా చేసుకున్నారు.

ప్రాథమిక విద్యను వెల్లంకిలో పూర్తి చేసి, ఆపై ఎన్టీఆర్ ట్రస్ట్ సహకారంతో కోనసీమ జిల్లాలో 10 వ తరగతి చదివారు. ఇంటర్, డిగ్రీ విద్యను విజయనగరంలో కొనసాగించారు. తండ్రి కోరిక మేరకు సీఆర్పీఎఫ్ ఉద్యోగం సాధించి కుటుంబానికి గర్వకారణంగా మారారు.

తర్వాత సాధారణ వ్యక్తిగా బిగ్‌బాస్ సీజన్ 9 లో అడుగుపెట్టి, తన నిజాయితీ, క్రమశిక్షణ, జీవన విలువలతో ప్రేక్షకుల హృదయాలను గెలుచుకుని విజేతగా నిలిచారు. ఇది ఆయన జీవితంలో మరిచిపోలేని ఘట్టం.

బిగ్‌బాస్ హౌస్‌లో ఇచ్చిన మాటను నిలబెట్టుకుంటూ ముగ్గురు బాలలను దత్తత తీసుకోవడం ఆయనలోని మానవత్వానికి నిదర్శనం. భవిష్యత్తులో మంచి కథలు దొరికితే సినిమాల్లో నటించాలన్న ఆశ కూడా ఉందని ఆయన చెప్పారు. పేదరికంలో పుట్టినా, పట్టుదలతో శిఖరాలకు చేరవచ్చని ఆయన జీవితం చెబుతోంది.