సీనియర్ నటి పావలా శ్యామలకు అండగా దిల్ రాజు

తీవ్ర అనారోగ్యంతో బాధపడుతున్న సీనియర్ నటి పావలా శ్యామలకి ప్రముఖ నిర్మాత దిల్ రాజు అండగా నిలిచారు. ఫుట్‌పాత్‌పై దయనీయ స్థితిలో ఉన్న ఆమెను స్థానికులు, పోలీసులు ఆర్కే ఫౌండేషన్‌కు తరలించగా, అనంతరం కూకట్‌పల్లి ప్రసాద్ హాస్పిటల్‌లో చేర్చి అత్యవసర చికిత్స అందిస్తున్నారు.

వార్తలపై స్పందించిన దిల్ రాజు ఆమె ఆరోగ్య పరిస్థితిని తన మేనేజర్ల ద్వారా తెలుసుకున్నారు. ఆసుపత్రి వైద్యులతో స్వయంగా మాట్లాడి పూర్తి వైద్య సహాయం అందించాలని సూచించారు. శ్యామల గాల్‌బ్లాడర్ సమస్య, కిడ్నీ సంబంధిత ఇబ్బందులు, గుండె సమస్యలు ఉన్నట్లు వైద్యులు తెలిపారు. ఆమె వైద్య ఖర్చులన్నీ తానే భరిస్తానని దిల్ రాజు హామీ ఇచ్చారు.