టాలీవుడ్‌లో హాట్ టాపిక్‌గా మారిన ‘మెగా 158’!

చిరంజీవి తన తదుపరి చిత్రం కోసం సిద్ధమవుతున్నారు. దర్శకుడు కె. ఎస్. రవీంద్ర (బాబీ) దర్శకత్వంలో తెరకెక్కనున్న ఈ సినిమా ప్రస్తుతం ‘మెగా 158’ వర్కింగ్ టైటిల్‌తో రూపొందుతోంది. ఈ చిత్రం మే 21న పూజా కార్యక్రమాలతో ఘనంగా ప్రారంభం కానుంది. ఈ సందర్భంగా కేవీఎన్ ప్రొడక్షన్స్ విడుదల చేసిన వీడియోలో చిరంజీవి జిమ్‌లో కసరత్తులు చేస్తూ కనిపించారు.

ఈ సినిమా పూర్తిగా యాక్షన్ ప్రాధాన్యంతో తెరకెక్కనున్నట్లు సమాచారం. చిరంజీవి ఇందులో ఇప్పటివరకు చేయని శక్తిమంతమైన పాత్రలో కనిపించనున్నారని టాలీవుడ్ వర్గాలు చెబుతున్నాయి. అలాగే ఆయనతో పాటు మరో స్టార్ హీరో కూడా స్క్రీన్ షేర్ చేసుకునే అవకాశమున్నట్లు ప్రచారం జరుగుతోంది. అయితే దీనిపై అధికారిక ప్రకటన రావాల్సి ఉంది.