కొండాపూర్‌లో నటి పూజా రామచంద్రన్ చేతుల మీదుగా ల్యూరా సలోన్ & స్పా ప్రారంభం

లగ్జరీ బ్యూటీ డెస్టినేషన్ అయిన ల్యూరా బ్యూటీ లాంజ్ హైదరాబాద్‌లోని కొండాపూర్, బొటానికల్ గార్డెన్ రోడ్‌లో గ్రాండ్‌గా ప్రారంభమైంది. ఈ కార్యక్రమానికి ప్రముఖ నటి పూజా రామచంద్రన్ ముఖ్య అతిథిగా హాజరై మీడియా ప్రతినిధులు, బ్యూటీ ప్రియులు, ఇన్‌ఫ్లుయెన్సర్లు మరియు ఆహ్వానితుల సమక్షంలో సలోన్ & స్పాను ప్రారంభించారు.

అత్యాధునిక సౌకర్యాలు, ఆకర్షణీయమైన ఇంటీరియర్స్‌తో రూపొందించిన ల్యూరా హైదరాబాద్‌కు ప్రీమియం బ్యూటీ మరియు వెల్‌నెస్ అనుభూతిని అందించేందుకు సిద్ధమైందని నిర్వాహకులు తెలిపారు. హెయిర్, బ్యూటీ, నెయిల్స్, స్పా మరియు లాంజ్ సేవలను ఒకే చోట అందిస్తున్న ఈ సలోన్ వినియోగదారులకు విలాసవంతమైన అనుభూతిని అందించనుంది. మేనేజింగ్ డైరెక్టర్ జయ్ మాట్లాడుతూ అంతర్జాతీయ ప్రమాణాలతో కూడిన సేవలను కస్టమర్ ఫ్రెండ్లీ వాతావరణంలో అందించాలనే లక్ష్యంతో ల్యూరాను ప్రారంభించినట్లు తెలిపారు. త్వరలో మరిన్ని బ్రాంచులతో విస్తరించనున్నట్లు వెల్లడించారు. నటి పూజా రామచంద్రన్ ల్యూరా కాన్సెప్ట్‌ను ప్రశంసిస్తూ నిర్వాహకులను అభినందించారు.