రామ్‌చరణ్‌ కోసం అఖిల్‌ త్యాగమా? మే 1 రిలీజ్‌పై సస్పెన్స్

రామ్‌చరణ్‌ నటిస్తున్న ‘పెద్ది’ సినిమా మార్చి 27న విడుదల కావాల్సి ఉన్నప్పటికీ, షూటింగ్ ఆలస్యం కారణంగా వాయిదా పడినట్లు దాదాపు ఖరారైంది. ఈ నేపథ్యంలో చిత్రబృందం కొత్త విడుదల తేదీగా మే 1పై దృష్టి పెట్టినట్లు సమాచారం. ఆలోపు చిత్ర నిర్మాణం పూర్తయ్యే అవకాశం ఉండటంతో పాటు, ప్రమోషన్లకు సరిపడ సమయం దొరుకుతుందనే అంచనాతో ఈ తేదీని పరిశీలిస్తున్నారని తెలుస్తోంది.

అయితే ఇక్కడే ట్విస్ట్ ఉంది. అఖిల్ అక్కినేని నటిస్తున్న ‘లెనిన్’ సినిమా ఇప్పటికే మే 1 రిలీజ్‌గా లాక్ అయింది. ‘ఏజెంట్’ ఫ్లాప్ తర్వాత అఖిల్‌కు ఇది కెరీర్‌కు కీలకమైన సినిమా కావడంతో, ఈ తేదీపై టీమ్ గట్టిగానే ఉంది. రామ్‌చరణ్‌, అఖిల్‌ మంచి స్నేహితులు కావడంతో ఒకే రోజు బాక్సాఫీస్ క్లాష్ జరిగే అవకాశం తక్కువగా కనిపిస్తోంది. దీంతో చివరకు ఎవరు వెనక్కి తగ్గుతారు? ఎవరి నిర్మాణ సంస్థ ఎవ్వరిని ఒప్పిస్తుంది? అన్నది ఆసక్తికరంగా మారింది.