భక్తి, జాతర, ఎమోషన్ కలిసిన ‘వినరా మాదేవ’… చూడగానే గూస్ బంప్స్

‘లూసియా’ ఫేమ్ సతీష్ నినాసం హీరోగా, నిర్మాతగా తెరకెక్కిస్తున్న భారీ చిత్రమే ‘ది రైజ్ ఆఫ్ అశోక’. వృద్ధి క్రియేషన్, సతీష్ పిక్చర్ హౌస్ బ్యానర్ల పై వర్ధన్ హరి, జైష్ణవి, సతీష్ నినాసం కలిసి నిర్మిస్తుండగా, వినోద్ వి ధోండలే దర్శకత్వం వహిస్తున్నారు. ఈ సినిమాలో సప్తమి గౌడ హీరోయిన్‌ గా నటిస్తున్నారు.

ఇప్పుడే ఈ చిత్రం నుంచి మొదటి సింగిల్ ‘వినరా మాదేవ’ ను విడుదల చేశారు. జాతర నేపథ్యంతో సాగిన ఈ పాటలో శివుడి మహిమను అద్భుతంగా చిత్రీకరించారు. గ్రామస్థులు శివుడి పై చూపే భక్తి, ఆరాధనా భావాలను పాటలోని సాహిత్యం ఎంతో సహజంగా ప్రతిబింబించింది.

జాతర వాతావరణాన్ని ప్రతిబింబించే విజువల్స్ కూడా అద్భుతంగా ఉన్నాయి. సప్తమి గౌడ లుక్స్, స్క్రీన్ ప్రెజెన్స్, స్టెప్పులు ఈ పాటలో ప్రత్యేక ఆకర్షణగా నిలిచాయి. భారీ సెట్లు, శక్తివంతమైన బీట్‌ తో ఈ పాట ప్రేక్షకులకు గూస్ బంప్స్ తెప్పించేలా రూపొందించబడింది.

ఇక త్వరలోనే సినిమా షూటింగ్ మరియు ఇతర పనులను పూర్తి చేసి ప్రేక్షకుల ముందుకు తీసుకురావడానికి చిత్రబృందం సన్నాహాలు చేస్తోంది.