PMS‌ ను నేచురల్‌గా ఆహారంతోనే కంట్రోల్ చేయొచ్చు – వైద్యులు

ఆడవారిని నెలనెలా ఇబ్బంది పెట్టే సమస్య పీరియడ్స్ మాత్రమే కాదు, వాటికి ముందే వచ్చే లక్షణాలు మరింత బాధాకరంగా అని న్యూట్రిషనిస్ట్ లీమా మహాజన్ వెల్లడించారు. పీరియడ్స్ రాకముందే కడుపునొప్పి, వక్షోజాల్లో నొప్పి, బ్లోటింగ్, ఆందోళన, నిద్రలేమి, ఆకలి మార్పులు, చిరాకు వంటి సమస్యలు కనిపిస్తాయని ఆమె తెలిపారు. ఈ లక్షణాల్నే PMS (ప్రీ మెనుస్ట్రువల్ సిండ్రోమ్)గా పేర్కొంటారు. మందుల మీద ఆధారపడకుండా, ముందుగానే సరైన ఆహారాన్ని డైట్‌లో చేర్చుకోవడం ద్వారా ఈ సమస్యలను చాలా వరకు తగ్గించుకోవచ్చని నిపుణులు సూచిస్తున్నారు.

పీరియడ్స్‌కు 10 రోజుల ముందే గుమ్మడిగింజలు, శనగలు తీసుకోవడం మంచిది. ఇవి వక్షోజాల నొప్పి, మూడ్ స్వింగ్స్‌ను తగ్గించడంలో సహాయపడతాయి. అలాగే నల్ల నువ్వులు, పెరుగు లాంటి కాల్షియం అధికంగా ఉండే ఆహారం తీసుకుంటే బ్లోటింగ్, పొత్తి కడుపు నొప్పి తగ్గుతుంది. అలసట మరియు ఆందోళన తగ్గాలంటే విటమిన్ B6 ఉన్న సన్‌ఫ్లవర్ సీడ్స్ లేదా అరటిపండు తీసుకోవడం ఉత్తమం. రోజూ ఒక టేబుల్ స్పూన్ సన్‌ఫ్లవర్ సీడ్స్ లేదా ఒక అరటిపండు తీసుకుంటే ఈ లక్షణాల తీవ్రతను నియంత్రించవచ్చని నిపుణులు చెబుతున్నారు.

గమనిక:
ఇది సాధారణ సమాచారం కోసం మాత్రమే. ఇది ఏ విధంగానూ మందులకు లేదా వైద్య చికిత్సకు ప్రత్యామ్నాయం కాదు. ఈ సూచనలను పాటించే ముందు తప్పనిసరిగా మీ వైద్యుడిని సంప్రదించండి.