రాత్రి ఫోన్ వాడకం..గుండె సమస్యలకు కారణమా?

రాత్రిళ్లు ఫోన్లు ఎక్కువగా ఉపయోగించడం, కృత్రిమ వెలుతురులో ఎక్కువసేపు ఉండటం గుండె ఆరోగ్యానికి ప్రమాదకరమని నిపుణులు హెచ్చరిస్తున్నారు. స్క్రీన్ వెలుతురు శరీరంలోని సహజ నిద్ర చక్రాన్ని భంగం చేసి, నిద్ర నాణ్యతను దెబ్బతీస్తుంది.

ఈ కృత్రిమ వెలుతురు బాడీ క్లాక్‌ను ప్రభావితం చేసి మెలటోనిన్, కార్టిసాల్ హార్మోన్లలో అసమతుల్యతకు దారితీస్తుంది. ఫలితంగా ఒత్తిడి, రక్తపోటు పెరుగుతాయి. సాధారణంగా నిద్ర సమయంలో తగ్గాల్సిన బీపీ, స్క్రీన్ ప్రభావంతో తగ్గకపోవడంతో గుండెపై భారం పెరుగుతుంది. దీర్ఘకాలంలో ఇది హైబీపీ, గుండె సంబంధిత వ్యాధులకు దారితీసే ప్రమాదం ఉంది.