రోజుకు 30 నిమిషాలు మెట్లు ఎక్కితే 300 కేలరీలు ఖర్చు – డాక్టర్లు చెప్పిన మాట!

నేటి ఉరుకుల పరుగుల జీవితంలో ఆరోగ్యాన్ని కాపాడుకోవడం, ఫిట్‌గా ఉండటం పెద్ద సవాలుగా మారింది. ఊబకాయం సమస్య పెరుగుతున్న ఈ రోజుల్లో, చాలామంది జిమ్‌కు భారీ ఖర్చు చేయలేక, కఠినమైన డైట్ నియమాలు పాటించలేక నిరాశ చెందుతున్నారు. అయితే, ఆరోగ్య నిపుణులు, డాక్టర్లు సూచించినట్లు ఖర్చు లేకుండా, ప్రత్యేక సమయం కేటాయించకుండానే అత్యంత ప్రభావవంతమైన ఫలితాలు ఇచ్చే సులభమైన వ్యాయామం ఒకటి ఉంది — అదే మెట్లు ఎక్కడం, లిఫ్ట్‌లు, ఎస్కలేటర్‌లకు అలవాటు పడిన మనం మెట్లు ఎక్కే అలవాటును తిరిగి అవలంబిస్తే ఆరోగ్యంలో అద్భుత మార్పులు వస్తాయని కార్డియాలజిస్టులు, ఫిట్‌నెస్ నిపుణులు చెబుతున్నారు.

మెట్లు ఎక్కడం గుండె ఆరోగ్యానికి, కండరాల బలానికి శక్తివంతమైన వ్యాయామంగా పనిచేస్తుందని డాక్టర్లు వివరిస్తున్నారు. ఇది శరీరంలోని అనేక ప్రధాన కండరాలను ఒకేసారి పనిచేసేలా చేస్తుంది, ముఖ్యంగా కాళ్ల కండరాలు బలపడతాయి, శరీరానికి చురుకుదనం పెరుగుతుంది. సాధారణ నడకతో పోల్చితే మెట్లు ఎక్కడం ఎక్కువ కేలరీలు ఖర్చు చేసే ఇంటెన్స్ కార్డియో వ్యాయామం. ఇది హృదయ స్పందన రేటును పెంచి గుండెను ఆరోగ్యంగా ఉంచుతుంది, కార్డియోవాస్కులర్ వ్యాధుల రిస్క్‌ను తగ్గిస్తుందని యూరోపియన్ సొసైటీ ఆఫ్ కార్డియాలజీ అధ్యయనాలు నిరూపించాయి. బరువు తగ్గాలనుకునేవారికి కేవలం ఆరు నిమిషాల నిరంతర మెట్లు ఎక్కడం కూడా కొవ్వు శాతాన్ని తగ్గిస్తుందని నిపుణులు తెలిపారు. రోజుకు 30 నిమిషాలు మెట్లు ఎక్కితే 250-300 కేలరీలు ఖర్చవుతాయి, అదనపు కొవ్వు కరిగిపోతుంది. బిజీ షెడ్యూల్ ఉన్నవారికి ఇది వరం లాంటిది. ఆఫీసులో లిఫ్ట్ బదులు మెట్లు, అపార్ట్‌మెంట్‌లో ఇంటికి వెళ్లేటప్పుడు మెట్లు వాడటం వంటి చిన్న మార్పులు దీర్ఘకాలంలో ఆరోగ్యంపై సానుకూల ప్రభావం చూపుతాయి. కాబట్టి, ఇకనుంచి మెట్లు ఎక్కి ఆరోగ్యాన్ని కాపాడుకోండి.

గమనిక : మేము అందించిన సమాచారం కేవలం అవగాహన కోసం మాత్రమే. దీనికి మేము ఎటువంటి బాధ్యత వహించము. ఏదైనా ఆరోగ్య సమస్య ఉంటే తప్పనిసరిగా వైద్యుడిని, న్యూట్రిషనిస్ట్‌ను సంప్రదించి వారి సలహా మేరకు అనుసరించండి.