రోజుకి 7 నుంచి 9 గంటల నిద్ర తప్పనిసరి అంటున్న డాక్టర్లు, తక్కువ నిద్ర పోతే ఇబ్బందులే...

మంచి శారీరక, మానసిక ఆరోగ్యానికి ఆహారం, వ్యాయామంతో పాటు రోజుకు 7–9 గంటల నిద్ర అత్యవసరం అని డాక్టర్లు చెబుతున్నారు. అయితే, ఈ రోజుల్లో చాలామంది నిద్రలేమి సమస్యతో బాధపడుతున్నారని వైద్యులు అంటున్నారు.

డాక్టర్ల ప్రకారం రోజుకు 7 గంటల కంటే తక్కువ నిద్రపోతే పలు సమస్యలు తలెత్తుతాయి:

మెదడు పనితీరు దెబ్బతినడం: ఏకాగ్రత లోపం, నిర్ణయాలు తీసుకోలేకపోవడం, జ్ఞాపకశక్తి మందగించడం.

చర్మ ఆరోగ్యం: ముడతలు, కళ్లకింద నల్లటి వలయాలు.

హార్మోన్ల అసమతుల్యత: ఒత్తిడి హార్మోన్లు పెరగడం, ఆందోళన, చిరాకు, రక్తపోటు, ఆకలి అదుపు తప్పడం, టైప్-2 డయాబెటిస్.

రోగనిరోధక శక్తి తగ్గిపోవడం: తరచుగా జబ్బులు.

దీర్ఘకాలిక వ్యాధుల ప్రమాదం: గుండె జబ్బులు, స్ట్రోక్, డయాబెటిస్, ఊబకాయం, డిప్రెషన్ వంటి సమస్యలు రావచ్చని వైద్యులు పేర్కొంటున్నారు.

అందువల్ల ఆరోగ్యంగా, ఆనందంగా ఉండాలంటే ప్రతిరోజూ కనీసం 7–8 గంటల నాణ్యమైన నిద్ర అవసరం అని డాక్టర్లు సూచిస్తున్నారు.

గమనిక : ఈ వివరాలు అనేక వైద్య పరిశోధనలు, డాక్టర్ల సలహాల ఆధారంగా సేకరించిన సాధారణ సమాచారం మాత్రమే. మేము ఈ వార్తకు బాధ్యత వహించము. మీకు నిద్ర సమస్యలు లేదా ఆరోగ్య సందేహాలుంటే తప్పక వైద్యుడిని సంప్రదించి సలహా తీసుకోండి.