బిజినెస్
థైరాయిడ్ సమస్య వచ్చిందంటే అంత సులువుగా తగ్గదు. మహిళల్లో ఈ సమస్య ఎక్కువగా కనిపిస్తుంది. హార్మోన్ల అసమతుల్యత (Hormonal Imbalance) వల్ల మొదలయ్యే ఈ సమస్య తర్వాత మరిన్ని ఇబ్బందులకు దారి తీస్తుంది. ఉన్నట్టుండి బరువు పెరగడం, కొవ్వు పేరుకుపోవడం, మరికొన్ని సార్లు బరువు తగ్గిపోవడం వంటి మార్పులు చోటు చేసుకుంటాయి. ఇవి కనిపించినప్పుడు వెంటనే అప్రమత్తం కావాలి.
థైరాయిడ్ అనేది మెడ ముందుభాగంలో ఉండే చిన్న గ్రంథి. కానీ ఇది శరీరంలోని మెటబాలిజం, శక్తి స్థాయి, హార్మోన్ల ఉత్పత్తిని నియంత్రిస్తుంది. ఇది సరిగా పనిచేయకపోతే శరీరంలో బరువు, శక్తి స్థాయి, మానసిక స్థితి అన్నీ ప్రభావితమవుతాయి.
థైరాయిడ్ రెండు రకాలుగా ఉంటుంది:
హైపో థైరాయిడ్ (Hypothyroidism): హార్మోన్లు తక్కువగా ఉత్పత్తి కావడం.
హైపర్ థైరాయిడ్ (Hyperthyroidism): హార్మోన్లు అధికంగా ఉత్పత్తి కావడం.
ఇవి రెండూ శరీరానికి హానికరం. కాబట్టి మెడిసిన్తో పాటు సరైన ఆహారం కూడా తప్పనిసరి.
థైరాయిడ్ గ్రంథి సరిగా పనిచేయడానికి కొబ్బరి చాలా ఉపయోగకరం. కొబ్బరిలో ఉన్న ఆరోగ్యకరమైన కొవ్వులు హార్మోన్ల సమతుల్యతను కాపాడతాయి. వర్జిన్ కొబ్బరి నూనె వాడటం వల్ల మెటబాలిజం మెరుగవుతుంది, శరీరంలో అలసట తగ్గుతుంది. వంటల్లో వర్జిన్ కోకోనట్ ఆయిల్ వాడడం వల్ల ఇన్ఫ్లమేషన్ కూడా తగ్గిపోతుంది. చట్నీ లేదా పచ్చడి రూపంలో కొబ్బరి తీసుకోవచ్చు.
థైరాయిడ్ హార్మోన్ల ఉత్పత్తికి అయోడిన్ అత్యవసరం. కాబట్టి వంటల్లో అయోడైజ్డ్ సాల్ట్ తప్పనిసరిగా వాడాలి. కొంతమంది రాక్ సాల్ట్ లేదా పింక్ సాల్ట్ వాడుతారు, కానీ అందులో అయోడిన్ తక్కువగా ఉంటుంది. అలాంటి వారు ఫిష్, పెరుగు వంటి అయోడిన్ రిచ్ ఫుడ్స్ ద్వారా దాన్ని భర్తీ చేయాలి. ఇలా చేయడం వల్ల హైపర్ లేదా హైపో థైరాయిడ్ సమస్యలు రాకుండా నివారించవచ్చు.
మునగకాయల్లో జింక్, యాంటీఆక్సిడెంట్లు అధికంగా ఉంటాయి. ఇవి థైరాయిడ్ గ్రంథి పనితీరును మెరుగుపరుస్తాయి. సాంబార్లో, పప్పులో, పొడి లేదా చట్నీ రూపంలో మునగకాయలు, మునగ ఆకులు తీసుకోవచ్చు. ఇవి థైరాయిడ్ ఉన్నవారికి మాత్రమే కాకుండా రక్తహీనత, నీరసం ఉన్నవారికీ ఎంతో ప్రయోజనం కలిగిస్తాయి.
చిన్నగా ఉన్నా గుమ్మడి గింజలు పోషకాల నిల్వ. వీటిలో జింక్, ఐరన్, సీలీనియం ఎక్కువగా ఉంటాయి. ఇవి థైరాయిడ్ హార్మోన్ ఉత్పత్తికి సహకరిస్తాయి, ఇమ్యూనిటీని పెంచుతాయి. వీటిని రోస్ట్ చేసి లేదా సలాడ్లలో, చట్నీలలో కలుపుకుని తినవచ్చు.
ఇది సాధారణ సమాచారం మాత్రమే. ఇది మెడిసిన్కి ప్రత్యామ్నాయం కాదు. డైట్ లేదా ట్రీట్మెంట్ మార్చేముందు వైద్యుల సలహా తప్పనిసరి.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!