వాయిదాలు పడుతున్న ఉప్పెన బ్యూటీ కృతి శెట్టి మూవీస్

‘ఉప్పెన’ చిత్రంతో టాలీవుడ్‌లో సంచలన ఎంట్రీ ఇచ్చిన కృతి శెట్టి, ఆ తర్వాత చేసిన సినిమాలతో మంచి పేరు తెచ్చుకుంది. కానీ వరుస ఫ్లాప్స్ కారణంగా ఆమె కెరీర్ గ్రాఫ్ క్రమంగా కిందకు పడిపోయింది. తెలుగు సినిమాల్లో అవకాశాలు తగ్గడంతో ఆమె తమిళ ఇండస్ట్రీ వైపు అడుగుపెట్టింది. అయితే, అక్కడ కూడా ఇప్పటివరకు పెద్ద విజయం సాధించలేకపోయింది.

కార్తీతో నటించిన ‘అన్నగారు వస్తారు’ సినిమా ద్వారా తిరిగి విజయం సాధించాలని కృతి ఆశపెట్టుకుంది. ఈ సినిమా డిసెంబర్ 12న విడుదల కావాల్సి ఉండగా, కొన్ని కారణాల వల్ల వాయిదా పడింది. అలాగే డిసెంబర్ 18న విడుదల కావాల్సిన ‘లవ్ ఇన్సూరెన్స్ కంపెనీ’ కూడా బడ్జెట్ సమస్యల కారణంగా వాయిదా పడిందని కోలీవుడ్ వర్గాల సమాచారం. ఫలితంగా వారం గ్యాప్‌లో రిలీజ్ కావాల్సిన ఆమె రెండు సినిమాలు ఒకేసారి ఆగిపోయాయి.

ఇలా బ్యాక్ టు బ్యాక్ వాయిదాలు రావడంతో కృతి శెట్టి అయోమయంలో పడింది. ప్రేక్షకుల మన్ననలు పొందేందుకు తిరిగి ప్రయత్నిస్తున్న ఈ బ్యూటీకి ఈ డిలేలు మరో సవాలుగా మారాయి.