ది రాజా సాబ్ ఫస్ట్ సాంగ్ మళ్లీ వాయిదా! అభిమానుల్లో నిరాశ!

ఎన్నాళ్లగానో ఎదురు చూస్తున్న ప్రభాస్ అభిమానులు, తమ ఫేవరేట్ హీరో పుట్టినరోజు సందర్భంగా ది రాజా సాబ్ సినిమా ఫస్ట్ సాంగ్ రిలీజ్ అవుతుందని చాలా హ్యాపీగా ఫీల్ అయ్యారు. కానీ ఆ రోజున పాట రిలీజ్ కాకపోవడంతో అందరూ నిరాశ చెందారు. అసలు విషయం ఏమిటంటే టీమ్ ఇంకా ఆ పాట షూట్‌లోనే బిజీగా ఉండటంతో రిలీజ్ డేట్ వాయిదా పడింది. అందుకే ప్రభాస్ బర్త్‌డే రోజున సాంగ్ బదులు కొత్త పోస్టర్ మాత్రమే రిలీజ్ చేశారు.

ఇటీవల ఫ్యాన్స్‌తో జరిగిన చాట్‌లో దర్శకుడు మారుతి, నవంబర్ 5వ తేదీ దగ్గరలోనే పాట వస్తుందని చెప్పారు. కానీ ఇప్పుడు ఆ సాంగ్ మళ్లీ డిలే అవుతోందన్న వార్తలు వస్తున్నాయి. ది రాజా సాబ్ టీమ్ నుంచి ఏదైనా అధికారిక అప్‌డేట్ వస్తుందా అని అభిమానులు ఎదురు చూస్తున్నారు  కనీసం ఫస్ట్ సాంగ్ ఎప్పుడు వస్తుందో అయినా చెప్పాలని కోరుకుంటున్నారు.

ఇక టీమ్ మాత్రం హెవీ పోస్ట్ ప్రొడక్షన్ పనుల్లో బిజీగా ఉంది. జనవరి 9న రిలీజ్ చేయాలని ప్లాన్ ప్రకారం పనులు సాగుతున్నాయని చెబుతున్నారు. కానీ ఇది పాన్ ఇండియా లెవెల్ మూవీ కాబట్టి, హైప్ పెంచేందుకు వెంటనే అప్‌డేట్స్ ఇవ్వాల్సిన అవసరం ఉంది.