చిరంజీవి 158 మూవీలో బండ్ల గణేష్ ?

టాలీవుడ్ బాక్సాఫీస్ సుల్తాన్ మెగాస్టార్ చిరంజీవి, దర్శకుడు బాబీ కలయికలో రూపొందుతున్న కొత్త చిత్రం ఇప్పటికే భారీ అంచనాలు రేకెత్తిస్తోంది. ప్రముఖ నిర్మాణ సంస్థ కెవిఎన్ ప్రొడక్షన్స్ ఈ చిత్రాన్ని అత్యంత భారీ వ్యయంతో నిర్మిస్తోంది. ఈ సినిమాలో చిరంజీవి భార్య పాత్రలో జాతీయ అవార్డు విజేత ప్రియమణి నటించనున్నట్లు సమాచారం. అలాగే ఆయన కూతురిగా మలయాళ యువనటి అనశ్వర రాజన్ కనిపించనుందని సినీ వర్గాలు చెబుతున్నాయి.

ఇక నటుడిగా కెరీర్ ప్రారంభించి నిర్మాతగా ఎదిగిన బండ్ల గణేష్ ఈ చిత్రంలో కీలక పాత్ర పోషించనున్నారని వార్తలు వినిపిస్తున్నాయి. చిరంజీవిపై అపారమైన అభిమానమున్న ఆయన ఈ సినిమాలో కనిపిస్తే ప్రత్యేక ఆకర్షణగా నిలుస్తారని అభిమానులు భావిస్తున్నారు. ఆయన పాత్ర హాస్యభరితమా లేక గంభీరమా అన్నది ఇంకా స్పష్టత రాకపోయినా, తన ప్రత్యేక సంభాషణ శైలితో ఆకట్టుకోవడం ఖాయమని అంటున్నారు. గతంలో వాల్తేరు వీరయ్యతో భారీ విజయాన్ని అందించిన బాబీ, ఈసారి మరింత శక్తివంతమైన కథను సిద్ధం చేస్తున్నట్లు సమాచారం.