ఆ స్టార్ హీరో సినిమాలో క్రేజీ రోల్‌లో ఆ హీరోయిన్..?

చిరంజీవి 158వ సినిమా, బాబీ కొల్లి దర్శకత్వంలో తెరకెక్కుతున్న ఈ ప్రాజెక్ట్‌పై ఆసక్తికర వార్తలు వస్తున్నాయి. ఈ సినిమాలో డింపుల్ హయాతి నెగటివ్ షేడ్స్ ఉన్న బోల్డ్ పాత్రలో కనిపించనున్నట్టు సమాచారం. హీరోయిన్‌గా కాకుండా క్రేజీ రోల్ చేయడం అభిమానుల్లో ఆసక్తిని పెంచుతోంది.

ఈ చిత్రం ఫ్యామిలీ ఎమోషన్స్‌తో పాటు ప్రత్యేకమైన కథతో రూపొందుతోంది. చిరంజీవి కొత్త లుక్‌లో కనిపించనున్నారని, దర్శకుడు బాబీ కొల్లి ఆయనను భిన్నంగా చూపించేందుకు కథను సిద్ధం చేశారని తెలుస్తోంది. కేవీఎన్ ప్రొడక్షన్స్ భారీ బడ్జెట్‌తో నిర్మిస్తున్న ఈ సినిమా, గతంలో వచ్చిన వాల్తేరు వీరయ్యలా మరోసారి బ్లాక్‌బస్టర్ అవుతుందనే అంచనాలు ఉన్నాయి. డింపుల్ హయాతి పాత్ర ఈ చిత్రానికి ప్రత్యేక ఆకర్షణగా నిలవనుంది.